|
(Аллоҳ Ўзи истаган кишиларга ҳисобсиз ризқ беради).
زُيِّنَ لِلَّذِينَ كَفَرُواْ الْحَيَاةُ الدُّنْيَا
(Куфр йўлини тутган кимсалар учун бу ҳаёти дунё чиройли қилинди). Дунёнинг чиройли қилиб кўрсатилиши кофирлар учун ёқимли қилиб қўйилишидир. Улар ё Аллоҳ Таоло уларга ризқни кенг қилиб берганига алданадилар ёки дунёдан мумкин қадар кўпроқ фойдаланиш, шаҳватлару лаззатларга тобора ботиб бориш ҳақидаги шайтоний васвасаларга учрашади.
Биринчи тоифадагиларга Аллоҳнинг Ўзи дунёни чиройли қилиб кўрсатади. Уларнинг арқонини узун ташлайди.
وَلاَ يَحْسَبَنَّ الَّذِينَ كَفَرُواْ أَنَّمَا نُمْلِي لَهُمْ خَيْرٌ لِّأَنفُسِهِمْ إِنَّمَا نُمْلِي لَهُمْ لِيَزْدَادُواْ إِثْماً وَلَهْمُ عَذَابٌ مُّهِينٌ
– „Куфр йўлини тутган кимсалар уларга берган муҳлатимизни зинҳор ўзлари учун яхшилик деб ҳисобламасинлар! Балки Биз уларга фақат гуноҳларини зиёда қилишлари учунгина муҳлат берамиз. Улар учун хор қилгувчи азоб бордир“. [3:178]
Иккинчи тоифадагиларга эса юқорида айтиб ўтганимиздек, шайтон ўз васвасаси билан дунёни чиройли қилиб кўрсатади. Аллоҳ Таоло лаънати иблис ҳақида мана бундай дейди:
لأُزَيِّنَنَّ لَهُمْ فِي الأَرْضِ وَلأُغْوِيَنَّهُمْ
– „албатта уларга (Одам болаларига) ердаги (барча гуноҳ ишларни) чиройли кўрсатиб қўюрман ва албатта уларнинг ҳаммаларини йўлдан оздирурман“. [15:39]
Рожиҳ гап шуки, кофирларга дунёнинг чиройли қилиб кўрсатилиши уларга ризқни кенг қилиб бериш билан бўлади. Шу билан уларнинг арқони узун ташланади. Оятнинг охиридаги қарина билан бу иш ризққа алоқадордир
وَاللّهُ يَرْزُقُ مَن يَشَاءُ بِغَيْرِ حِسَابٍ
(Аллоҳ Ўзи истаган кишиларга ҳисобсиз ризқ беради).
(وَيَسْخَرُونَ مِنَ الَّذِينَ آمَنُواْ Улар имон эгаларининг устларидан куладилар). Яъни, камбағалликлари, дунёдан юз ўгирганлари, охиратга интилганлари туфайли уларнинг устидан куладилар.
(وَالَّذِينَ اتَّقَواْ فَوْقَهُمْ يَوْمَ الْقِيَامَةِ Ҳолбуки, қиёмат кунида тақводор зотлар улардан баланддир). Негаки, улар иллиййиндадирлар. Кофирлар эса асфаласофилиндадирлар.
Ким кимнинг устидан кулгани масхара қилгани ҳақида бир қанча ривоятлар бор. Улар Маккадаги куфрбошилар бўлиб, камбағал мўминларнинг устларидан кулишган бўлишлари ҳам ёки Мадинадаги яҳудлар бўлиб, муҳожир ва бошқа камбағал мўминларни масхара қилишган бўлишлари ҳам мумкин. Афзал гап
185-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208